V (Scene 3 mula sa dulang ESCAPAR)

Ezekiel: Pare, ano bang iniisip mo?

Elija: V.

Ezekiel: Anong V?

Elija: Vendetta.

Ezekiel: Ang gulo mo naman diretsuhin mo nga ako.

Elija: Gusto kong gumanti! Gusto kong ipaghiganti ang asawa ko. Pero di ko alam kung paano. Humanda talaga ang may kagagawan noon sa kanya pag nakatakas ako.

Ezekiel: Sandali lang sino ba ang pumatay sa kanya?

Elija: Ang tatay niyang gagong sabik na sabik sa pera!

Ezekiel: Kung ang tatay niya ang pumatay, anong ginagawa mo dito?

Elija: Finirame-up ako. Pagdating ko sa bahay.

Ezekiel: Oh talaga. Akalain mo may tatlong buwan ka na pala dito sa loob na nagbabayad ng kasalanang hindi mo naman ginawa?

Elija: Oo, tatlong buwan na rin akong nagdurusa. Kaya gusto kong gumanti, pero di ko alam kung paano, at di ko magawa.

Ezekiel: Kaya pala sulat ka nang sulat ng V sa pader. Kaya pala nakatulala ka lagi.Kaya pala..

Elija: Oo, dahil gusto kong gumanti! Tulad ng pagpatay sa asawa ko!

Ezekiel: Gusto mong gumanti sa pamamagitan ng pagpatay?

Elija: Oo, pero di ko magawa.

Ezekiel: Bakit wala na bang ibang paraan?

Elija: Wala na. Vendetta lang ang katapat nun. Pero, di ko magawa.

Ezekiel: Bakit di mo magawa?

Elija: Hindi ko alam.

Ezekiel: Gusto mong gumanti pero di mo kayang gawin, Elias manahimik ka na lang dito sa kulungan.

Elija: Hindi ko kayang manahimik dito Ezekiel. Hindi ako tanga para pumayag na makulong akong inosente!

Ezekiel: Pre tapos na ang mga hearing mo. Nahatulan ka na ngang guilty eh, lalabas ka pa.

Elija: Hindi kasi ako taong kriminal na tulad ninyo!

Ezekiel: pare, baka ikaw naman talaga ang pumatay! Aminin mo na kasi!

Elija: sinabing hindi nga ako tulad ninyong mamamatay tao!

Ezekiel: Hoy gago! Tandaan mo, nandito ka sa teritoryo namin, kung katulad ka namin o hindi, purulin mo na yang tabas ng dila mo! Baka gusto mong sumunod sa asawa mo?

Elija: Bakit, isusunod mo ako mga inosenteng taong pinatay mo? Hindi ako natatakot.

Ezekiel: Oo, pwedeng pwede kitang patayin. Total pang habang buhay na ko dito.

Elija: Gawin mo!

Ezekiel: Bakit di ikaw ang unang gumawa? Subukan mo.

Elija: Hindi ako mamamatay tao.

Ezekiel: Kapag pinatay mo ko, sulit na ang pagkakakulong mo.

Elija: Manahimik ka. Ang gusto ko, makalabas dito!

Ezekiel: Huwag ka nang umasa.

Elija: Anong sinabi mo?

Ezekiel: Nahatulan ka na diba? Hindi ka na makakalabas pa dito!

Elija; Gago ka ah! (Suntok)

Ezekiel: Aba, magpatayan na lang tayo. Tang ina ka, ako pa’ng kinalaban mo!

Elija: Patayin mo ko sige!

Ezekiel: Sige! Kung iyan ang gusto mo! (Akmang sasaksakin si Elija)

Elija: (Nadaplisan.Pero agad na sinipa si Ezekiel sasikmura.) Buhay din lamang ang sinisigaw ng sikmura ko,ngayon ko na sisimulan ang pagganti ko! (Sabay hugot ng lanseta sa bulsa)

Ezekiel: (Nakalupasay sa sahig) Wag…

(Lights fading out)

***

Elija: Chief! chief! Tulong! May dugo si Ezekiel!

Chief: Ano? (Sabay bukas ng rehas)

Elija: (Hawak ang lanseta) Hahahahaahahaha!

Chief: Anong naka--?

Elija: (Sinunggaban ng saksak sa leeg ang pulis) Ngayon, binabawi ko sa ngalan ng batas, ang kabulukan ng hustisiyang hinatol ninyo sa akin!

Chief: (Naghihingalo)

Elija: Hahahahahaha! Simula na ng V. VENDETTA!

Tumakas si Elija. Tumakas at pumara ng jeep. Pumara kasama ang pusong gutom sa paghiganti..